陳慧琳街市教仔認器官

潮媽陳慧琳(Kelly)抱病出席亮燈儀式,她坦言兒子對「人體奧妙」很有興趣,不時問她身體結構,她更為此而購買書籍,方便向囝囝講解,她更帶兒子到街市作實地考察,透過動物內臟,讓他辨認出不同器官的模樣。



感冒未愈的Kelly透露囝囝對人體構造好好奇,她亦表示有向囝囝灌輸性教育。

潮媽陳慧琳(Kelly)以嘉賓身份主持海港城亮燈儀式,現場以迪士尼樂園為主題,更有唐佬鴨及米奇老鼠公仔助興。Kelly透露自己被大仔「蝦餃仔」傳染感冒,導致聲沙,續說:「細仔同工人都病晒。不過出嚟做嘢反而可以抖下,喺屋企要不停講古仔,把聲仲沙。」

有灌輸性教育

問到她準備了甚麼聖誕禮物給家人?她笑言:「本來諗住送iPad Air畀老公,點知畀佢搶先一步送咗畀我先,依家要再諗過。小朋友就易諗啲,佢哋依家鍾意人體奧妙,成日問啲器官係乜,我都要買書講解畀佢哋知,因為我自己都唔清楚。同埋帶佢哋去街市,指住啲豬嘅內臟,講畀佢知係咩器官。(有冇教性教育?)有,叫佢哋畀人掂要say no。」她又表示病愈後,希望帶小朋友到會下雪的地方旅行。問到會否帶他們到尖東看燈飾?她說:「想。(怕唔怕畀人「集郵」?)都冇辦法,試過帶仔仔去公園玩,結果不停畀人影。」


Kelly出席亮燈儀式迎接聖誕,並與卡通人物合照。

忙於籌備婚禮的汪圓圓期待與蔡加讚一起過聖誕。
圓圓浪漫過節

而同場的模特兒汪圓圓表示自己仍忙於籌備與玩具大王之子蔡加讚的婚禮,她坦言今年聖誕特別開心,因二人拍拖兩年多,亦從未試過一同過聖誕,今年終於一償所願。問到準備了甚麼禮物給對方?她甜笑回應:「我嫁畀佢已經係最好嘅聖誕禮物啦。」

文:名人組 

 

創作者介紹
創作者 tvb4life 的頭像
tvb4life

明星八掛大分享★☆

tvb4life 發表在 痞客邦 留言(0) 人氣()