祥仔同媽咪姐講,近排為減肥,食嘢都清淡咗,以前冇肉不歡嘅佢,近排以菜為主,即使呢日食叉燒,都係唔瘦唔食。 

媽咪姐

阮兆祥為食犯規

嚟緊喺伊館開騷,慶祝自己入行 30年嘅阮兆祥,早排為谷宣傳,谷胸扮容祖兒,又扮左麟右李,將扮嘢境界發揮得淋漓盡致。而本身肥底嘅佢,早排仲學人操肌減肥,又話近排學緊跳舞,要喺個唱挑戰「舞王城」。媽咪姐唔知祥仔跳舞跳成點,但係減肥咯喎,佢又確係幾堅持!

 

前幾日,媽咪姐喺電視城一廠化妝間見到阮兆祥,比以前瘦咗啲啲嘅佢,呢日就拎住碗叉燒米喺度行嚟行去。媽咪姐問佢做乜唔坐低食。佢話:「企喺度食易消化啲嘛!肚腩會冇咁大!」講完就拎住碗米粉行入一廠度食。喂,但一廠講明唔俾食嘢喎,祥仔你減肥係啱,但違規會俾人鬧㗎!

 

阮兆祥嘅演唱會不單貫徹佢嘅搞笑本色,連海報都要惡搞方大同(上)同容祖兒(下),認真抵死。


創作者介紹
創作者 tvb4life 的頭像
tvb4life

明星八掛大分享★☆

tvb4life 發表在 痞客邦 留言(0) 人氣()