女神生擒謝茜嘉百幾二百磅人成個墜晒落嚟,對於年屆 60嘅皮雅斯嚟講,咪話唔辛苦! 

出外埠

過氣 007繼續風流

人不風流枉少年,後生細仔精力夠體魄好,梗係無問題啦。換轉係花甲老人,媽咪姐冇話年齡歧視嘅,係擔心老人家吃不消啫。
好似 60歲過氣 007皮雅斯布士南,早前喺新作《 How to Make Love Like an Englishman》,「慘」被謝茜嘉艾芭生擒,嘩,話晒性感女神,正呀!不過大家諗深一層吖,百幾磅人騎住你,仲要 360度氹氹轉,講真,未享受溫柔鄉已經冇咁半條命!

 

 


錫完未呀?由東錫到西,邊錫仲要邊走,呢種唔係叫艷福,係叫虐老! 

60歲皮雅斯體形看似硬朗,但一面鬍鬚白晒,略現老態。襯上 32歲嘅謝茜嘉,有啲爺孫 feel。 

除咗謝茜嘉,戲中更安排火辣人妻莎瑪希爾谷胸上陣。佢同皮雅斯不乏親熱鏡頭,不過全部點到即止。 

風繼續吹

明明半隻腳踏入冬季,但十一月天仲話打風喎。唉,唔通連個天都唔鍾意媽咪姐?
其實唔止㗎,個天原來都唔妥 Katy Perry㗎。早前小天后出發去澳洲宣傳新曲。當地夏日炎炎,梗係 bra top迷你裙啦,點知大風一吹, ooh la la,成條大底即時見晒街。好彩佢着嗰條係密實阿婆底,蝕極有個譜嘅!


我哋踏入冬天,南半球嘅澳洲啱啱相反。 Katy呢身 bra top短裙,好 summer呀! 

見到大風吹開 Katy條裙,媽咪姐除咗想點番首〈風繼續吹〉,仲好想聽小鳳姐嘅〈風的季節〉,吹呀吹,讓這風吹……

創作者介紹
創作者 tvb4life 的頭像
tvb4life

明星八掛大分享★☆

tvb4life 發表在 痞客邦 留言(0) 人氣()