眼泛淚光10月 31日,鍾嘉欣着上低胸長裙擔任一間珠寶店開幕嘉賓。其間提到很想叫父親早些退休,來港陪伴自己時,一度嘴扁扁眼泛淚光,看來她承受了不少壓力。 

娛樂喧

忽然1周 (954期) 壓力爆煲 失調爛面鍾嘉欣:我要控制情緒

鍾嘉欣甩拖壓力爆煲失調爛面 鍾嘉欣:我要控制情緒

無綫台慶頒獎禮即將舉行,在當家花旦寥寥可數之下,鍾嘉欣憑劇集《巨輪》被看好成視后大熱,加上 TVB的「星夢娛樂」唱片公司成立後,就只有鍾嘉欣最有潛力作雙線發展。手持金蛋當然要谷行曝光率,鍾嘉欣劇接劇之外,商場騷更加做不停,連纖體廣告亦一輯比一輯性感,最新一輯谷胸程度更是歷來最勁。
玉女形象開始變質,近日更有傳她因陳展鵬而與伍允龍甩拖。在多重壓力下,鍾嘉欣搞到失調至爆瘡爛面要睇中醫,難怪她對記者說:「我要控制自己情緒!」

 

鍾嘉欣玉女形象向來深入民心,被冠以「 BB」暱稱,論性感亦只局限在每年台慶頒獎禮上,但今年她竟一反常態,不時打扮性感出席活動,連纖體廣告亦大賣極罕北半球。無綫幕後人員表示:「公司一路都係睇邊個賣到錢咪谷邊個囉,成個台依家最受客戶歡迎當然係鍾嘉欣啦。因為佢以往好少性感,所以只要佢肯露少少就好有客路。 TVB幫佢向纖體廣告公司開咗個高價,估唔到個客又肯俾喎!」

被指劈腿

這邊廂無綫努力向廣告商 sell嘉欣 BB,另一邊廂鍾嘉欣自己亦努力憑演技在花旦中突圍。去年她擔正演出的《護花危情》收視更是全年之冠,為求突破免做花瓶,早前她在《飛虎 II》瞓身演出,爆破場面亦親自上陣,今年她憑《巨輪》亦一致被看好是大馬與香港頒獎禮視后大熱。人氣急升連身價亦隨即暴升,其出騷價已由過往 7萬元躍升到 10萬元。
鍾嘉欣由年中起一直歌視兩忙,頻頻性感示人。早前她更與《巨輪》拍檔陳展鵬傳出緋聞,被指瞞住正印男友伍允龍而一腳踏兩船,引來大批狗仔日跟夜跟,最終搞到她壓力爆煲。在該劇結局直播記者會上,她更自爆:「我要控制自己情緒!」


甩粉爆瘡上周六( 2日),無綫安排《巨輪》一眾演員到將軍澳一酒店收看大結局。現場所見,她兩邊面頰長滿暗瘡,明顯上粉有難度,近看呈現一撻撻不均勻的粉底。 

望老父退休

鍾嘉欣獨自在香港發展事業,今年終於有出頭天。據知她最渴望接父母回港享福, 2011年已買入一個逾千呎單位,預留給父母居住。記者問到她想父母退休一事,嘉欣更一度感觸眼泛淚光,「佢都 59歲(指父親),我想佢早啲退休,所以提議佢返嚟香港做我司機,唔會折磨爹哋。(一提到爹哋你就想喊?)冇呀……冇喊呀!我成日都眼濕濕,好多人都以為我喊……可能我水汪汪啦。」


谷行身材連續 3年成為詩琳纖體公司代言人的鍾嘉欣,最近頻頻谷胸上陣,有指最近一輯酬勞近百萬。 

厚粉遮瘡

鍾嘉欣除了承受壓力,影響情緒之外,內分泌亦失調,長期面部爆瘡,情況一發不可收拾。據知情化妝師表示:「有次同 Linda化妝,佢啲皮膚差到根本唔上粉。問佢係咪壓力大就只係一味眼濕濕咩都唔肯講。我知佢呢排多咗好多 job,但要一個唔鍾意露肉嘅女仔,成日都要谷胸見人,俾我都唔慣啦!」
問到皮膚差不停爆瘡唔上粉時,嘉欣淡然表示:「依家皮膚好番好多喇!呢幾個月都瞓得好少,又做演唱會又要拍《飛虎 II》,又要接出面啲 job,可能因為休息同食嘢唔定時就會變成咁。(有冇睇中醫呀?)有呀,病咗兩個禮拜呀!(你最新一輯廣告好性感喎?)唔係好性感啫,其實我從來冇刻意去避性感,亦都無刻意去性感,只要成件事出嚟係靚同健康就 OK啦!底線?當然唔可以唔着衫啦!(你同伍允龍感情點呀?係咪分咗手?)……唔話你知!」要同時面對工作、家庭、感情,相信嘉欣要學學肥苟試吓學打泰拳去減壓喇!


見父母爆喊9月,鍾嘉欣身為《度身訂造旅行團》嘉賓,行程中驚見父母現身已感動到喊,坦言自己多年來一直在港工作,難免忽略了家人。 


處女劈腿一向形象純情的鍾嘉欣, 10月尾因為一宗小交通意外被揭與陳展鵬鬼祟同車,事後女方更慌張逃離現場。有指她瞞住正印男友伍允龍而「處女」劈腿。事後鍾提到與伍允龍時只表示:「交往方式改變咗!」似乎分手傳聞有迹可尋。


高層力捧鍾嘉欣向來深得星煥唱片公司老闆何哲圖愛錫,公司撥了不少資源力捧她。上月底何哲圖已在無綫新成立的唱片部「星夢娛樂」打骰,相信鍾嘉欣工作量只會繼續增多。 

谷胸有價

被下令谷胸的嘉欣 BB絕對有價有市,商演活動跳升到 10萬後,工作量有增冇減,未來兩個月的商演活動更加多。保守估計,嘉欣 BB半年已穩袋近 500萬。




撰文︰娛樂組
攝影︰攝影組

Ads by Google

創作者介紹
創作者 tvb4life 的頭像
tvb4life

明星八掛大分享★☆

tvb4life 發表在 痞客邦 留言(0) 人氣()