公開大學翻譯系 Yr.1 郭思( Suey)身高 5呎 4吋的 Suey唔似 18歲女,「好多人都覺得我個樣成熟,唔會以為我係學生,一諗就諗我係做 model,上次去入境處整身份證,個職員仲講笑叫我參選港姐!」 

U花 U草

享受麥記的女神 郭思 Suey

𠵱家個個男仔都恨搵個肯捱麥記的女友,遇着有位自願提出兼識享受嘅雌性,真係感動到流眼淚。
現就讀公大翻譯系 Yr.1的郭思( Suey)齋睇樣已經一副女神格,眼大又似 mix,估唔到堅會食足五晚麥記仍津津樂道,「我最鍾意食煎炸嘢,一次過可以食三包麥記薯條,第時男朋友要我同佢捱麥記?梗係得啦!約我去高級餐廳,我可能仲唔慣!」高登仔聽到一定好滾動(感動)!

 

歲的 Suey是一副典型女神格,咪以為女神好難湊,其實佢比《肯挨麥記的女人》層次更高,只因佢識享受麥記。「我阿妹喺麥記做兼職,晚晚趁佢臨收工就打畀佢叫佢買嘢畀我食,有時成個餐加杯雪糕,或者淨係要薯條,麥記啲薯條最好味㗎,夠香夠脆,明知唔健康都要食!就算食足 5日都唔介意啦!」

唔慣去高級餐廳


Suey將來希望成為一名演員,「我最鍾意睇內地古裝劇《步步驚心》。劇中講女主角若曦(劉詩詩飾)為咗喺宮廷鬥爭中為生存,同其他宮女鬥爭。佢演得好活生生,我好鍾意呢個角色。」 

食外賣麥記開心,叫女神上高級餐廳先至難為,「如果第時男朋友約我出去食飯去啲高級餐廳,我可能仲唔慣,又要訂枱、又要着得整整齊齊,麥記就唔同啦!是但踢對拖鞋食又得,仲可以同佢慳錢,我哋都未有事業基礎,唔好咁大使啦!」
人又靚又識慳住男友荷包自然多人追,不過 Suey至今仍未拍過拖,雖在中二時試過被 14個男同學同時追求,但始終未有白馬王子出現,「嗰陣啲男仔又約我出街、又約我食飯,仲有啲送禮物畀我,不過我通通都冇要、亦都冇應約,人哋以為我係會收兵嘅女仔,其實我絕對唔係嗰種人,唔鍾意會即刻拒絕佢,唔會拖住畀假希望對方!」

最愛泡菜男

問到 Suey心目中的男神係點,她二話不說:「好似神話個 Junjin咁,高大靚仔又 sporty(但大你成 14年喎!),仲好搞笑幽默,整過容我都唔介意!哈哈!神話上親節目我都睇,佢哋成員之間感情好好,經歷過好多困難但都堅持六為一體,香港啲組合幾年又拆夥散 band,神話真係好難得!」除咗老麥,泡菜應該係 Suey第二至愛啦!

扮識魔術

因靚女被邀參選 2011年魔法美少女大賽,但其實之前未玩過魔術,「嗰次比賽我表演穿環魔術,上到台顧住表演又唔記得要笑,不過好彩拎咗季軍,𠵱家都唔記得點玩喇!」

U花 U草:

只要是各大專界的靚仔靚女,《 FACE》就會介紹給大家認識。


撰文:葉浩婷
攝影:何榮亮
形象: Clarence Lau
服裝: Amelie Street、 Cocoon、 Solvency
化妝: Grace, Connie@ Brighten Up Image Production

創作者介紹
創作者 tvb4life 的頭像
tvb4life

明星八掛大分享★☆

tvb4life 發表在 痞客邦 留言(0) 人氣()