鍾嘉欣 演技大躍進 嘉欣BB 獲珍 姐撐瞄準 視后 嘉欣BB 良辰未到

演技大躍進 嘉欣BB獲珍姐撐瞄準視后

入行九年的鍾嘉欣多年來一直埋頭苦幹拍劇,原來已累積了三十多套劇,近年嘉欣演技大躍進得到觀眾認同,論資歷與實力,再加上最近孭飛新劇口碑,看來嘉欣有力更上一層樓,時來「后」到。



嘉欣BB希望將來返加拿大開幼稚園,可讓一家人一起經營一盤生意。

鍾嘉欣在電視劇《溏心風暴》演的「常在心」很受歡迎,該劇早前在深夜重播,當時仍屬新人的她演技幼嫩,與現時《巨輪》的「卓靜」揮灑自如,明顯士別三日。接近年尾,坊間也睇好嘉欣BB今年有力挑戰無綫台慶頒獎禮「視后」寶座,嘉欣受訪時談到封后機會,她說:「自己冇刻意去做一啲準備,將心態調節到工作,唔係為咗獎項,反而睇重作品嘅口碑,好開心《巨輪》出街之後口碑好好,聽到好多朋友話我今年有機會攞視后,自己覺得攞獎係需要天時、地利、人和配合。」

短訊打氣


鍾嘉欣希望透過「公投」而得視后。

嘉欣BB於《巨輪》表現贏盡口碑。

鍾嘉欣多謝曾勵珍(左)讚賞,她稱比攞獎更開心。

嘉欣坦言望透過「公投」得視后,她覺得觀眾每一票就是最寶貴的支持。無綫高層曾勵珍少有對演員輕言稱讚,故嘉欣透露近期接到珍姐打氣短訊倍感高興:「好多謝珍姐,珍姐平時好少讚人,之前收到佢短訊讚我有進步,話戥我開心同驕傲,呢番讚賞比攞獎更大鼓勵。」

開幼稚園

劇中嘉欣望擺脫「金絲雀」的千金小姐生活,創一番事業,現實中嘉欣也有生意大計:「自己一直想做生意,唔係要賺大錢,只係想一家人一齊做,近來諗到不如將來返加拿大開幼稚園,嗰邊需求好大,爸爸媽媽可以有工作寄託,自己都會幫手,可以一家人一齊做。」

場地:Tasting Room

服裝:A|X

化妝:Kenny Cheung@K's Creative

髮型:Roy Tse@Hair Corner

採訪:影視組

嘉欣BB 良辰未到

#video_player{width:100%;height:100%;}


■嘉欣希望男友是大隻陽光男孩,要真心、能保護她,跟伍允龍很相近吧!《add》圖片

鍾嘉欣日前成為時尚與美容雜誌《add》封面女郎,她一反乖乖女形象,穿上deep V與型格服,展現別一番魅力。劇集《巨輪》播映以來,嘉欣BB跟陳展鵬的緋聞與「正印」伍允龍的感情成為熱話,被問到感情的新進展,她鬼馬地說:「有呀!唔講得!哈哈……其實唔係特別新進展,感情事一直都有,只係一直唔講。我知年紀唔細,唔再係20、25歲嘅女仔,就快29+1,拍拖係必要。」


■嘉欣成為《add》封面女郎,她自言很喜歡BB的稱號。


■入行九年的嘉欣在娛樂圈能繼續發展,她形容這是一個神蹟。
《add》圖片

拒做高齡產婦

嘉欣BB與伍允龍已是公認一對,但一直未有公開,她說:「其實我好期望有一日同大家分享我嘅感情事,但係要等一個適合嘅timing。好似大家問阿Mo(陳豪)BB係仔定女,都係一個timing,佢覺得唔舒服就唔講。我都一樣,可能到兩年後有一日,我會突然覺得原來公開係最開心,咁就會好舒服同大家講,但係呢一刻,都係想將感情生活keep private。」何時輪到嘉欣生BB?她說:「我希望35歲前生BB,唔想年紀太大先做媽媽。」
明年是嘉欣BB入行十周年,她很慶幸得到很多眷顧:「相當幸運,可能因為信仰,我覺得一路以嚟,神都喺我身邊傍住,好到令我到今時今日仍有能力屹立喺呢個圈。我成日問自己,點解到咗第九年我依然冇被叮走?點解我仲可以繼續唱歌同演戲?如果唔係一種神蹟、一個miracle,有一種力量喺度保護我嘅話,我應該走唔落去。」(詳細內容請參閱第26期《add》)
撰文:林妃

創作者介紹
創作者 tvb4life 的頭像
tvb4life

明星八掛大分享★☆

tvb4life 發表在 痞客邦 留言(0) 人氣()