2人搏盡訓練,全因受男拔的爭勝決心感染,阿恆(後):「上年學界決賽,差唔多半間學校嘅師生都嚟撐場,我哋先知學校可以團結成咁。上年輸畀英華,全隊都喊晒,嗰時開始的起心肝練波。𠵱家打波唔再係為咗自己,而係為學校!」 

Main Camp 吳松峻 蔡再懃

打波有 U讀 學界球王入男拔一條龍

運動出色,可以透過運動員計劃入大學,原來中學亦有提供類似計劃,致力招攬運動強手入校增光。
本地籃球一哥拔萃男書院,去年羅致香港青年軍主力葉偉恆及李境泓,但由於去年 2人未適應男拔打法未能成為球隊主力,故在決賽男拔以屈辱性 23分落敗給死敵英華。
經過一年特訓,新球季 2人被校方重用為隊長,不論為自己升大學鋪路或為校增光,兩名轉校生都必定搏盡。

 

傳統學界籃球勁旅男拔為加強軍力,身兼籃球隊教練同體育老師劉宇麟化身球探,奔走各大小區賽及學界比賽,搜尋有潛質的學生,邀請加入男拔籃球隊大軍。
劉 sir指:「我哋每年有大約 10個名額畀運動叻嘅同學,加入男拔讀書及打校隊,初入嚟嘅轉校生,可能成績未必即時跟得上,我哋會安排老師喺午飯同放學幫同學補習,亦會跟進番佢哋習唔習慣新環境,仲有專人為佢哋提供升學資訊,例如各大專嘅運動員計劃,仲教埋面試技巧,令佢哋專心打波之餘,升學都有保障!」

 

男拔雙塔身高都超過 190cm,阿恆(左)更是 Nike League籃球賽中的封阻王(平均每場 8個),而阿泓(右)則是籃板王(平均每場 10個), 2人令球隊防守力大增。

男拔教練胡國鋒

前甲一南華球員、現任男拔籃球隊教練的胡國鋒,今年特別向男拔隊員特訓加操:「一星期專門 2日做腳部器械練習,狂練短跑練爆發力,希望增加對抗力及靈活度!」

Band 3轉校

男拔有招兵機制兼提供完善升學計劃,令原就讀香港道教聯合會青松中學( band 3)的葉偉恆及觀塘官立中學( band 2)的李境泓,成功跨進名校門檻。今年成為籃球隊雙隊長,加上 2人都超過 190cm(約 6呎 3)的身高,號稱「雙塔」,成為男拔新星,但讀書成績都好難跟得上。阿恆直言:「初初入嚟真係好唔慣,雖然我同阿泓選修科都揀咗用中文讀嘅中史同體育,但英文同數學就完全跟唔上,連通告都睇唔明,英文仲要全級尾幾,嗰時都有諗係咪入錯名校!」成績未如理想,但就連強項籃球的表現亦未如理想。阿泓說:「以前喺學校係必然正選,但初初入嚟只係可以坐冷板凳,出到場,對手又勁咗好多,最叻嗰樣都輸埋,真係好灰!」

慘敗發奮

上年學界籃球四大賽事,男拔全數落敗, D1決賽更大敗英華 23分。失敗令雙塔更積極訓練,勢要重振聲威。

晨操練跑

除了一星期練 4日波,阿恆及阿泓在比賽前,更會一星期兩次帶領一班隊友晨跑,每次早上六時半開始,至八點上堂,希望訓練速度及體能。

老師私補

練波當然緊要,但讀書亦不可忽略,阿恆坦言:「我哋自知基礎比人哋差,一定要將勤補絀,加埋老師肯幫手補習,𠵱家成績算追得上。」

全校支持

成績籃球兩失意,難得全校齊撐,令阿恆及阿泓重拾自信,阿恆坦言:「因為籃球叻而插班,初初都怕同學藐,估唔到大家知我哋為學校出力,都好尊重我哋,上堂唔明仲會主動教我哋。𠵱家成績都算追得上,最想用運動員計劃入 U讀關於體育嘅科目。」阿泓續說:「既然難得入到男拔,當然要瞓身。雖然我哋有身高,但打 D1對抗性都好緊要,所以要大隻啲,一日食 5餐,每星期有 2日要回校跑晨操,仲要狂做 gym操肌。我哋隊會一星期練四日波,就算落雨都要入室內場練。今年我哋隊好齊腳,同埋大家都好有鬥心,我哋誓要重奪 D1總冠軍。」

猛料得分隊友


除了羅致雙塔隊長,還有 NIKE LEAGUE的得分王蔡再懃及偷波王吳松峻助力。雖然今年兩人已是中六生,但作為球隊的大阿哥, 2人仍希望為男拔增光,吳松峻說:「我哋打埋 D1學界就要收手,開始準備 DSE,所以一定會瞓身打。有阿恆同阿泓守住籃底,加埋我同蔡再懃剷籃拿分,今年絕對有信心擊敗攞番冠軍。」

偷波王 吳松峻 F.6 177cm 得分後衞

得分後衞吳松峻手腳靈活,速度超快,平均每場都有 5個偷波,進攻防守都絕冇問題。

得分王 蔡再懃 F.6 185cm 小前鋒

小前鋒蔡再懃得分能力超強,平均每場都有 27分進賬,教練都大讚心理質素好,有救命波就靠晒佢。

運動員入 U筍讀神科

中學生運動叻吃香,入大學時運動勁,更隨時可靠運動員計劃入到醫科、計量金融等神科。

CDDE入中大

周秀娜師弟趙勁皓( King)成功殺入娛圈,中大中文系畢業的他打過籃球甲一星島,「我高考之前都係報運動員計劃 Conditional Offer,只要四個 E就入到,最後我 CDDE入到中大中文系,我知有運動員入到醫科, BBA,咩科都有,不過入到神科,讀唔讀得好另一回事!」

學費全免

讀理大投資科學 Yr.2的鄒君林 Vincent就靠網球打得叻,三年大學學費全免,「我中學嗰陣打青年軍,拎過少年台維斯盃亞洲區頭十名,又幫英華打開校隊, Poly就出咗 Offer畀我三年大學學費全免,呢三年我只要 keep住打校隊同 GPA過 2.5就得!」

Main Camp:

Main Campus簡稱,意即主校園,各學界潮人潮事當然離不開 Main Campus。


撰文:校園版
攝影:何榮亮

創作者介紹
創作者 tvb4life 的頭像
tvb4life

明星八掛大分享★☆

tvb4life 發表在 痞客邦 留言(0) 人氣()