以往嬌滴滴的 Carol,學了兩年泰拳已似模似樣,有姿勢有實際。 

搜尋氣

剝模變拳后  E神 Carol:唔敢話我冇用啦

「浸大 E神」楊焉( Carol)入行以來身材都是焦點,今年加盟叻哥的經理人公司 Snazz後雖然少行性感,但跟住叻哥遊世界時碧波盪漾墨爾本的她,仍令人記憶猶新。
25歲但嬌滴滴的 Carol最近竟搖身一變「激戰」拳后,練到一身肌肉參加格鬥比賽,連打三個回合勝出奪冠,令人大跌眼鏡。原來 Carol一直恨做打女,唔想再做被人保護的柔弱女人。

 

其實我學咗打拳兩年喇,以前打得好 hea㗎,係咁意郁吓郁吓,畀好多藉口自己唔上堂,懶懶閒咁唔想返就唔返。直至有比賽,師傅提議我轉變吓自己,我都好想趁呢個機會睇吓自己掂唔掂,因為好多男仔 friend成日 challenge話我唔掂呀、冇力呀咁。
其實我係男仔頭性格,幾烈女㗎我!但好無奈啲人成日覺得我好柔弱,成日想保護我,細個喺麥當勞做 part time收銀嗰陣,啲男同事連搬薯條都要幫我搬,好似我乜都做唔到咁!其實我冇咁柔弱㗎,我仲主動入廚房幫手添,都係想證明自己係有能力㗎,打拳都係要證明我係掂,就決定接受地獄式訓練喇。
每星期最少練 3日,首先跑步,再做體能訓練,然後喺最攰嘅時候練習對打呀!梗係辛苦好多啦,但冇諗過放棄,只係有啲心理障礙,因為兩年前為咗減肥,我戒咗食澱粉質,但係打拳需要氣力,我要再次食番粉麵飯呢啲嘢,心理上有啲抗拒囉,要迫自己食囉。
贏呢次比賽真係冇諗過,對手係拳館師姐,學咗至少 5年喇,打贏佢等如打咗支強心針,啲朋友亦唔敢話我冇用啦! 4月( 14年)有個對外嘅比賽我想參加,上次操得太急未練好基本功㗎,今後要練番啦。


Carol首次比賽就要決戰師姐,結果險勝贏得「拳后」。 

今年加盟叻哥旗下公司, Carol即受重用,在《叻哥遊世界》沙灘暢泳一幕,其嬌人身材甚至被觀眾批評太過火。 

 

不嬲都唔想俾人叫𡃁模,𠵱家轉咗新公司有好大自由度,唔使再做咁多 model嘅嘢,開心好多,嚟緊想試吓拍打片㗎!本來把頭髮長到落腰,我明白男仔鍾意我長頭髮,接 job機會又多啲,但係我性格唔似女仔,一直想剪短,新公司話只要剪完係靚就得!我都留咗後着㗎,剪髮嗰陣叫髮型師幫我「 keep起」咗一紮長髮,隨時可以駁番,𠵱家形象咁硬朗幾好吖,我好 enjoy!


撰文:何志衡
攝影:鄭明川

創作者介紹
創作者 tvb4life 的頭像
tvb4life

明星八掛大分享★☆

tvb4life 發表在 痞客邦 留言(0) 人氣()