Min係 miss A中最跳得成員,出席比賽時當然唔少得跳番 part K-pop舞騷下 quali畀班師弟妹睇啦。 

韓面

K-pop吸港青  miss A教星夢傳奇

港產傳奇《狂舞派》近期掀起一片跳舞熱潮。講到跳舞,韓國 K-pop dance一定係亞洲先驅,唔少港青都夢想進軍 K-pop界。
上週四,韓國明星夢工場 JYP便聯同韓國最大規模跳舞比賽 K-pop Cover Dance Festival( CDF)來港選拔。
JYP來港揀蟀過韓國 battle鬥舞, JYP旗下人氣女團 miss A中最跳得女成員 Min更親臨香港擔任評判選新秀。身為大師姐的 Min接受訪問時,除教一眾參賽者要以自信突圍,更自爆入行受訓辛酸。想做 K-pop一分子,絕對唔係發夢咁 easy!

 


雖然參賽者質素參差,但擔任評判的 Min一直都好留心參賽者每一個舞步,仲寄語班參賽者,如失手千祈唔好慌張,最緊要扮鎮定完成整隻舞。真係教精你! 

國夢工場 JYP娛樂,近年除於自己地頭培訓新人,更積極到海外發掘新星,繼 3年前曾來港舉行選拔( Audition)積極揀新丁後,上週四( 29日)更跟韓國最大規模跳舞比賽 K-pop Cover Dance Festival( CDF)聯手,來港舉辦舞蹈選拔賽發掘明日之星。

雙冠軍

K-pop Cover Dance Festival港區選拔賽於上週四舉行,結果出現雙冠軍。其中一隊 Esta& Kayan大跳辣身舞,極有泫雅及賢勝組成嘅 Trouble Maker影子,唔只贏得全場掌聲,仲贏埋冠軍。

 

另一隊 4男 1女細路組合 Hong Kong Pop,男隊員就模仿 BIGBANG跳勁舞,難得 4歲嘅小妹妹唔怕醜扮 BoA,引來全場歡呼,最後同 Esta& Kayan一齊攞冠軍。今年 10月兩隊香港代表將遠赴韓國參加總決賽。

CDF明益港青


今次 JYP除與 CDF一齊搞跳舞比賽,亦順便幫自己公司搞 Audition招募新星。上週四便在比賽場地另一邊進行面試,引來超過 400位少女少男排隊,一人有一個夢想。 

已在韓國舉辦了 3屆的 CDF,於過去 3年曾去過英國、日本及泰國等多個國家舉行地區選拔賽,今年終於殺到來香港,嚴選有潛質的港青,代表香港於今年 10月出戰於首爾舉行的總決賽爭做全球最強舞者。由於今次是 CDF首次來港搞選拔賽,所以吸引超過 300個單位參加,經一輪篩選後最後選出 16強於上週四進行大激鬥。
比賽當日,雖然參賽者質素參差,但因有韓國人氣女團 miss A成員 Min撐場做評判,仍吸引超過 500名 fans圍觀,期間更不斷大叫 Min個名助興,全場人 high爆。由於 CDF首次在香港揀蟀,大會講明明益香港參賽者,所以最後選出 2人男女組合 Esta﹠ Kayan及 5人組合 Hong Kong Pop齊齊雙冠軍。

Min專吼自信妹


Min(右)同少女時代孝淵細細個已一齊練舞,而且仲好老友。 Min話希望同孝淵一齊參加比試舞藝節目,可以同老友一齊 battle。 

今次 Min來港主要任務是做評判揀新星。她說就讀小學 5年級已參加 JYP選拔賽入行,她以過來人身份教路,「我好着重參賽者的自信,除要有自信,最重要表現到自己嘅熱誠,獲選後更要有永不放棄嘅精神。記得當年我自己一個人去美國受訓時,每日練舞至少 8個小時已經好辛苦,最難受係,好掛住屋企人,加上又唔知幾時先可以出道,所以好大壓力,曾經諗過放棄,但做歌星一直係自己嘅夢想,最後終於諗通咗,所以繼續堅持。」港童都被父母寵壞,唔怕辛苦堅持完成訓練先係最大挑戰!

 

出道 3年嘅 miss A,自去年 11月推出大碟《 Independent Women pt III》後,至今仍未有聲氣出新碟, Min(左一)就話自己都好心急,希望今年尾可趕到出新碟 comeback。

來港食月餅

上週三( 28日), Min一到埗,即上新城電台做訪問,搶先試吓港式月餅,仲好識做大讚好味。雖然 Min已經 22歲,但依然有啲 baby fat,佢解釋因為自己鍾意食零食飲可樂,但如有重要工作,佢會盡量忍口唔食。


K-pop有港青

除 JYP曾於 3年前及今年於香港舉辦 Audition,其實港青亦曾經由不同途徑加入 K-pop界做練習生,當中當然有成功入行,亦有中途放棄例子啦。

放棄

K-pop Star Hunt Leona
19歲的 Leona(何穎堯),上年曾贏出第 2季 K-pop Star Hunt港區亞軍,雖然得到 4 MINUTE所屬公司 Cube收為做練習生,但因未知訓練到幾時先可出道,最近已放棄,並返港繼續學業。

入行

M4M成員 Jimmy
26歲的 Jimmy, 4年前陪朋友參加選拔賽,被 Cube揀中做練習生。經 4年艱苦訓練,今年終與另外 3名來自台灣、中國的隊友組成 M4M,更於 3月推出處女歌〈 Sadness〉,總算踏出第 1步。


撰文:何家文
攝影:林迅景、周凱瑩 

創作者介紹

明星八掛大分享★☆

tvb4life 發表在 痞客邦 留言(0) 人氣()