李錦聯同拍拖年幾嘅 Winnie喺觀塘鴻圖樓擺酒,嗰度係街坊格局,廚神同老闆相熟,應該有折㖭,好抵! 

媽咪姐

李錦聯終於結婚鳥!

53歲嘅「 TVB廚神」李錦聯,一向自稱多女友,仲同記者講過「煮到埋嚟就食,感情事真係好煩惱」喎。不過,呢隻無腳嘅雀仔終於做咗「老襯」嘞!

 

早前佢同細佢十幾年嘅女友 Winnie喺觀塘擺咗 9圍結婚酒,仲請埋《都市閒情》老拍檔安德尊同呂珊做婚禮司儀。呢 pair新人全晚勁 high,不斷同賓客敬酒又唱歌娛賓。媽咪姐都好戥李錦聯開心!只係想提提佢,同老婆要相敬如賓,唔好好似兩年前同前度女友嗌交又掟嘢落街,搞到上港聞呀,「大個仔」要識諗。


之前傳過同李錦聯不和嘅安德尊,呢晚孖住呂珊做司儀,都話娛樂圈無永遠嘅敵人㗎啦。 

唔講唔知,新娘子原來係專賣發燒音響嘅影音店老闆娘,女強人嚟㗎! 

前年愛出禍


《蘋果日報》圖片 

前年,李錦聯同酒廊歌手女友邵敏婷鬧交又動手,搞到上差館!但事後又拖手笑晒去報到。點都好,俱往矣咯!

創作者介紹
創作者 tvb4life 的頭像
tvb4life

明星八掛大分享★☆

tvb4life 發表在 痞客邦 留言(0) 人氣()