跨境搵食獨居深圳福田的姚兵,每日用 5個小時搭港鐵及兩程巴士來回無綫與深圳家。為了節省金錢,他每天亦會在上水站出一出閘,再上車前往落馬洲,慳番 10蚊車錢。 

娛樂喧

霉足半世 《星夢》姚兵:我係地底泥

歌唱比賽節目《星夢傳奇》帶挈一班名不經傳的藝人人氣急升,繼鄭俊弘和羅鈞滿先後「一唱成名」。 33歲的「深圳歌王」姚兵接棒彈出。
未曾風光過的姚兵,歌唱路坎坷,冇糧出事小,更試過在表演時,俾酒客用 1蚊銀掟面,慘過做乞兒。輾轉入無綫做藝人,霉運依然未去,八年做過三十套戲,唔係當賊就做死屍。為慳錢養老婆和五歲仔,三餐限定唔超過 50蚊。姚兵直言:「試過有段時間,覺得自己係地底泥。」

 

33歲寧波仔姚兵(原名姚斌)早年走遍浙江省各大酒廊夜總會賣唱。 05年,他毅然隻身來港參加《 TVB 8全球華人新秀大賽》,最終落敗了,卻得到高層垂青,簽做親生仔,可惜他做足 8年都係得個「捱」字。


05年衝出寧波姚兵先後參加寧波市和浙江省的歌唱比賽。之後他更以第一個寧波選手殺入央視的歌唱比賽《夢想中國》,足證他是有料之人。 

今年《星夢》突圍姚兵參加《星夢傳奇》,被指是高分王鄭俊弘的勁敵。不過至今出賽兩集,姚兵仍屈居對方之下。論衣着打扮,姚兵比 05年時已進步不少。 

瞓劏房屈到病

在第五集《星夢傳奇》,他提起以往坎坷經歷:「我入嚟 TVB八年,都冇唱過歌,瞓劏房屈到病,所以將所有表現拎出嚟俾評判睇。」
05年,來港剛簽無綫的姚兵,由於積蓄唔多,只能以$2,800元月租牛頭角 120呎劏房單位居住。他對記者慨嘆:「嗰時每日撐 9層樓,返到屋企對住 4幅牆同一張牀,連櫈都冇張,日日喺度等運到。」經過半年的非人生活,無綫忽然讓他入住將軍澳中心宿舍,可惜住唔夠半年,被要求遷出。當時只有月薪 8千的他,為了減輕負擔,寧願以 1,500元人民幣在深圳租屋,每日中港兩邊走。


廉價飲食姚兵的老婆囝囝在寧波居住,獨居深圳的他,每朝早、晚都會在樓下的麵店用餐。早、晚餐只需 26蚊人民幣,而午餐在無綫飯堂食燒味飯,全日膳食費用少於 50蚊。 

升呢香港人上周五( 16日)在港居留滿七年的姚兵,到入境事務處拎香港永久居民身份證,終於成為三粒星港人,姚兵更為此放棄了寧波的戶籍。 

慳住睇碟姚兵平時沒有甚麼消遣活動,只在寓所外公園跑步及煲碟。他說很久沒有到戲院睇戲,慳得一蚊得一蚊。 

儲首期買樓姚兵儲了近 10年積蓄,年前在深圳福田區以 78萬買了間 600呎的單位自住,現時仍需每月供款三千元。 

思鄉病發唔撈

上周四( 15日)下午,記者發現他在電視城錄完 TVB 8節目後,便獨自坐城巴再轉港鐵,經落馬洲返福田的寓所,車程足足兩個半鐘,相當辛苦。「我初初嚟香港發展,老婆同個仔都戥我高興,不過我落到嚟先知原來香港嘅 100蚊同內地嘅 100蚊差咁遠。以前喺上面住,根本唔知咩叫做劏房,我住嗰間牛頭角房,張牀有蝨,咬到成身都係唔在講,因為四邊牆用木板做,隔籬兩間房對夫婦又晚晚嘈交。我同經理人講真係頂唔住,我唔做喇,佢就提議我返深圳住,最終我喺福田租咗層樓。嗰陣真係好頹,覺得自己唔存在喺呢個世界,十足地底泥咁。我老婆怕我辛苦,都叫我唔好再做,但我同自己講既然嚟到,就等多一等,點知一等就等咗 8年。」

挑起罵戰

周日,姚兵唱〈男旦〉出戰《星夢傳奇》,評判恭碩良毫不客氣指首歌難聽,更踩姚兵唱京腔部分似鬼片。另一評判肥媽則力撐姚兵,更直言恭碩良少聽中文歌。姚兵話明白每個評判背景同口味唔同,下次都會揀唱流行曲,保障自己。


捱做二打六

姚兵加入無綫 8年,未唱過歌,但拍了不少劇集。去年在《怒火街頭 2》他做賈曉晨( JJ)的前男友,戲份得半集,但已比做死屍好。

鄭俊弘贏硬

《星夢傳奇》共播出了七集,由於要讓路給《香港小姐競選》和《衝上雲霄Ⅱ》大結局,將會停播三星期。至 9月中( 15日),才會播出第八集。至於餘下五集,仍會有新人出戰,原先有傳內定入圍藝人,包括胡定欣、蕭正楠及王浩信,則統統以拍劇撞期為由「笠水」退出。現時鄭俊弘及羅鈞滿(圖左)叮噹馬頭,不過後者已講定自己稍後再入劇,冇乜時間排練,相信有充足時間準備的鄭俊弘,十拿九穩奪冠軍寶座。


撰文:娛樂組 
攝影:攝影組 

創作者介紹
創作者 tvb4life 的頭像
tvb4life

明星八掛大分享★☆

tvb4life 發表在 痞客邦 留言(0) 人氣()