本來略帶羞澀的 Julian和 Jessie,一埋位影相即變得鬼馬。 

名氣生活

邱李茂琪兒子 邱聖橋 最緊要夠 fun

當仲係𡃁仔、𡃁妹的時候,你做緊乜?為臉上的泡泡苦惱?迷追米奇老鼠?又或忙於和同學交換郵票收藏?
溥儀眼鏡老闆娘邱李茂琪的十歲細女邱聖華廚藝了得,整蛋糕令全家甜到漏;至於十三歲的兒子邱聖橋,更將他在這幾年畫的四本英語漫畫結集成書《 The adventures of……》,趕在書展推出,並舉行簽名會,不過小畫家話漫畫書只出一本,「我畫 comic係 for fun,已經出咗(書)啲人都冇咁有興趣。」一切至緊要好玩!

自製漫畫

有個畫家媽咪,以為邱聖橋( Julian)肯定是首徒大弟子,誰知他原來四歲開始在 art gallery習畫,連邱李茂琪( Margaret)都話:「我問佢點解唔搵我教?佢話妳啲嘢唔可以整亂。」 Julian解釋說:「出面點畫都得,又有好多紙, paint brush好齊,畫污糟晒都唔緊要。」
Julian十歲開始漫畫創作,完成一個故事後,他便去書局影印、釘裝,「每本大約九至十七頁,第一本印了七十本。」他將這些薄裝漫畫送給同學,大受歡迎,之後他又畫了另外三本,仲愈印愈多,第三、四冊印數已達二百。「有個學生家長係出版商,佢睇咗 Julian嘅 comic book,話想幫佢出書,但要埋版權,所以我自己搵出版商出,收益連成本捐晒俾香港奧比斯。」


新書簽名會日期: 22/7時間: 16:00《 The Adventure of……》是由四個單行本故事組合而成,畫工純樸直率。 

Julian讀書自動自覺, Margaret從來不用做怪獸家長。 

天馬行空

除了環保、污染問題,他也愛將腦海中的瘋狂畫面、故事躍現紙上,「第一本是學校 project,講環境污染,第二本講我困咗喺嚿 meat ball,變成 meat people。」肉丸人?真正匪夷所思!他腼腆地說:「因為我屋企逢星期二也有 spaghetti night……第三本是下集,講我啲朋友點救我離開 meat ball。」第四本 Time machine的靈感,就來自他最喜歡的電影——《回到未來》。
常說港童沒創意, Julian絕對係異數,除了漫畫,他亦愛自製紙模型,「六歲時想要部 game boy,媽咪唔買,於是自己整咗好多部,裡面有啲公仔可以郁。」他設計的紙模型全都有機關,相當精緻, Margaret笑着投訴,「屋企啲 A4紙、膠紙、膠水全部俾佢用晒;書枱、凳都黐滿膠水,佢張書枱凳啱啱先換過張。」
現在 Julian又迷上拍 video,還拍、演、剪一腳踢,製作了多條短片放上 YouTube,「我希望可以修讀電影,做 film director。」仲要係荷李活嗰隻!


最近迷上拍片的他,不但將作品放上網,還在搞個人 website。 

Julian房中的飾櫃放滿他的紙模型,他的至愛便是《回到未來》火車,車卡內又有另一架車,跟足電影橋段。 

10歲女廚神

 

整餅學數

邱家除出了個小小漫畫家,亦有個十歲小廚神。 Margaret的女兒邱聖華( Jessie),原來是整甜品的高手,蘋果批、 Eclair、 Madeleines等,都食到人直豎拇指,「佢兩歲開始成日喊,返學都好驚,老師話想親子就同佢一齊煮嘢食;之後佢要學分數,老師話同佢一齊整嘢食,教佢量鹽糖會有幫助。」誰知 Jessie就此上癮,於是她睇 video如《 Cake Boss》和《 DC Cupcakes》等電視節目,又上網搵資料學做蛋糕。選做西式甜品,因為夠安全,「我唔鍾意用火和刀,做甜品安全啲。」


她將 3/4杯牛奶、 1/4杯粟米油和兩隻雞蛋混合一起,還即場表演單手打蛋。 

小管家

媽咪閉關畫畫,她就跟工人姐姐去超巿,還要買她指定的牌子食材,「佢好有計劃,去試食就叫定工人姐姐排定隊,一揀完嘢就即刻俾錢走人。」有 Jessie在家,家人的下午茶有着落,「依家屋企食嘅嘢佢負責,變咗屋企嘅管家婆。」
潮流興「小煮角」、「小廚師」,問 Jessie會不會參加烹飪大賽?她耍手說:「唔鍾意。」其實 Jessie嗜好多多,鍾意素描、打網球和踢足球,以前她想做畫家,現在她想做 writer,出 realistic fiction, Margaret笑說:「兩、三歲時,個仔話要做 dinosaur,因為可以周圍嚇人,個女話要做 painter,因為唔使返工。」


Jessie第一次做 Blueberry muffin,做完即刻請媽咪食。 

粉醬放入模內前先試味,用二百度焗約廿分鐘即成。 

 

今個暑假, Margaret和丈夫邱子傑帶了一對仔女去紐約和巴黎,「呢個 trip完全為兩個小朋友而設,我寄咗 Julian啲作品去 New York Film Academy,佢哋睇完收佢讀 summer course;我哋又去咗試紐約最出名嘅甜品店。」如歌劇院旁的 CAFE de la PAIX,「𠴱度啲 Napoleon好正。」當然亦不會錯過 Jessie至愛的烘焙大師 Buddy Valastro的 Cake Boss Cafe,他們又順道在美國掃廚具,「美國有好多整餅 decoration,顏色又好多,今次會買多啲。」


她之前又整過 Eclair和 Madeleines,食到爸爸停唔到口。 


在紐約電影學院讀 summer course的 Julian,是年紀最細的學生。 

Jessie在紐約去了她至愛的 Cake Boss Cafe,又買了很多做蛋糕的用品。 

創作者介紹
創作者 tvb4life 的頭像
tvb4life

明星八掛大分享★☆

tvb4life 發表在 痞客邦 留言(0) 人氣()