梁凱寧Maggie雖然只是實習,但報道時淡定之餘又多花招,又揸槍又舉六四 tee,網友讚佢生動兼有型。 

Main Camp

梁凱寧最索實習記者起底 浸大新人王變粉紅救兵

無綫新聞主播黃紫盈直播時的一滴淚,揭露了新聞主播界爭上位是非多多。你偷用我粉底、我篤你車震,暗箭四圍飛!
主播互片爭上位之際,又有一班傳理系同學實習期準備接棒。眾多實習記者中,以浸大 Yr.2的梁凱寧( Maggie)最突出,受 TVB重用之餘,更深得一班網友歡心,更因她常穿粉紅衫,更獲宅男封做 Pinky女神。
梁凱寧Maggie上鏡掂,原來在校內亦是風頭躉。 TVB新聞部𠵱家亂晒龍,唔通真係要靠小師妹做粉紅救兵轉移視線?

 


梁凱寧被網友封做 Pinky BB,全因她上鏡經常穿粉紅色衫。加上她身材標青,難怪會被宅男留意。 

除明星受網友追捧,新聞主播粉絲一樣不少。而近日不少網友都熱烈討論無綫新聞實習記者 梁凱寧Maggie,更封她為新紮新聞女神!除激讚她樣子甜美又專業外,心水清的網友更發現 梁凱寧Maggie短短十幾日已經出鏡 5、 6次,出鏡率之高屬實習記者少有,因梁凱寧 Maggie經常穿養眼粉紅色衫,網友幫她改花名 Pinky,人氣跟當紅女主播有得揮!

主動受歡迎

據知 梁凱寧Maggie深得無綫高層及同事歡心,有無綫新聞部員工爆料:「 Maggie好識大體,有禮貌之餘,上至高層、下至 PA都哥前哥後,加上佢又唔怕蝕底,放咗工都留喺公司跟頭跟尾,又主動肯跟前輩出外景學嘢,咁好學,自然人人肯教佢嘢,好多男攝影師抽中同佢出外景都好開心, Maggie直頭係無綫新聞部新寵!」不只無綫,原來 Maggie在校內都好活躍,一名與 Maggie的同班同學亦爆料說:「上年佢主動加入浸大的傳理電台做客席主持,想多啲出鏡經驗,拍片時又識騷自己跳舞勁同化妝叻,佢好清楚自己做緊咩,所以校內亦有不少男同學及老師欣賞!」


浸大系花貴為校內風頭躉,未實習前 Maggie本來留咗一頭長髮好少女,但由於 TVB要求出鏡記者要短頭髮感覺清爽,故 Maggie不惜長髮為 TVB剪,夠晒誠意。 

化妝達人靚靚 Maggie原來是化妝達人,她亦曾在傳理電台片中示範化妝技巧,相信她在電視台出鏡要化妝絕無難度。 

金融男友𥄫實

人靚讀書叻的 Maggie當然亦名花有主,據知男友亦於英皇證券任職。外表剛強的 Maggie亦不介意在 facebook大晒與金融才俊男友的恩愛相。在幕前就女強人,男友前卻變得小鳥依人,更有目擊者見到金融男友不時到電視城接收工,據知兩人更已見晒家長關係好密切。
Maggie成功在無綫突圍,但原來無綫新聞主播已不及當年吃香。不少成績好的傳理系同學都不願入去做實習,有中大新聞系畢業生指:「無綫好多有關中國政治新聞都河蟹咗,好多同學都好抗拒,而且聽師兄姐講無綫人事好複雜又分黨分派,又經常搵唔係讀傳理出身、但樣靚嘅做主播,你唔係樣靚識 social?可能你死捱爛捱都冇得上位做,唔少同學都寧願揀港台、報紙,或者有線、 now好過!」


舞林高手化妝了得, Maggie跳舞一樣耍家,她曾拍片騷一字馬舞功,更親身教授男同學跳舞,男仔點會唔鍾意! 

金融男友Maggie原來一早已經俾任職英皇金融的男友封盤,更不時在 fb大晒與男友恩愛照,男友就冧住稱對方做 BB,仲連家長都見埋,似乎有主播目標都無阻愛情! 

無綫主播黃紫盈在直播時突然眼紅落淚,揭露了新聞部中的明爭暗鬥。一班新聞小花咁鬥法,小心小師妹後來居上呀!

唔夠靚?棄無綫入有線

無綫新聞部近年是非多,很多同學都知道想入無綫必暢通無阻,靚樣永遠係先訣,難怪同是浸大傳理系的鍾筱嫻( Denize)雖與 Maggie一樣同樣得到無綫實習 offer,最終卻棄入無綫,轉戰有線。有 Denize同學爆料:「 Denize學校成績同人緣都好好。但 TVB好睇樣,人事又煩,要上位真係唔輪到佢,反而有線更重視採訪技巧同時事觸覺,樣子係其次,所以 Denize最後都揀有線。」


雖然樣子不算突出,但 Denize一樣靠實力搭夠。鏡頭前 Denize表現淡定,瘦小的身形亦無阻她拼搏上前採訪! 

雖然與 Maggie緣慳一面,冇機會做同事,但兩人同愛在 facebook晒恩愛。而 Denize男友亦是報紙攝影記者,同圈子唔知會唔會更多話題? 

 

Main Camp: Main Campus簡稱,意即主校園,各大專潮人潮事當然離不開 Main Campus。


撰文:校園組 

創作者介紹
創作者 tvb4life 的頭像
tvb4life

明星八掛大分享★☆

tvb4life 發表在 痞客邦 留言(0) 人氣()