Beauty Hunt

結她  SimC

最近電台熱播的 C AllStar新歌〈她結他〉,當中的女聲被網友大讚特別,原來是 C AllStar同門的新簽師妹 SimC。
於荷蘭土生土長的 SimC,自細已是音樂狂迷,試過打幾份兼職來賺錢,只為到香港爭取演出機會。她去年隻身來港追夢,終在一次商場演出,被唱片公司老闆睇中,正式成為 C AllStar小師妹,為師兄伴唱作熱身,明年先全力進擊。

 

24歲的 SimC性格活潑開朗,平日喜歡行山,做運動和唱歌,在荷蘭會拎住結他,對住大草原唱歌。「媽咪成日笑我『對牛彈琴』,雖然我成家人都喺荷蘭生活,但父母都係講廣東話㗎!而且自己細細個都有睇 TVB劇集,加上又鍾意唱廣東歌,特別喜歡 R&B風格,所以自細都對香港生活有極大好奇心,簡直好似入魔一樣。」為了來香港完成夢想, SimC在荷蘭做幾份兼職賺生活費。「我喺電台做過 part-time,又做過平面設計,唔想靠屋企。」



SimC在 C AllStar演唱會中擔任表演嘉賓,同班師兄一齊 jam歌。 

擁有兩支結他的 SimC,一支是在香港參加比賽時贏得;另一支結他是為師兄演唱會表演而特別買入的。

拒}性感

現處於備戰狀態的 SimC,感謝師兄 C AllStar照顧,還教識她不少唱歌技巧。「例如安仔會分享自己彈結他嘅心得;釗鋒同 King就會糾正我一啲廣東話咬字;至於 Jase就會教我 R&B風格嘅音樂技巧。」
來到香港之後, SimC都有參與一些公開演出,其中一次,就是擔任師兄的演唱會嘉賓;而最近她在 C AllStar的新歌〈她結他〉更負責伴唱,網民大讚聲線特別。「可以同師兄們伴唱,真係學到好多嘢,佢哋個個都係高手,錄音時又唔會畀壓力我,令我好好發揮。」 SimC說跟老闆在工作上好有共識,哪一些應該做,哪一些不應該做?大家都很清楚。「例如我同公司都覺得自己唔可以太性感,反而應該多 focus喺音樂方面,自己寫歌之餘,亦期望有能力編曲,希望唔使幾耐,可以成為一位唱作歌手。」


Profile


荷蘭長大的 SimC,雖然小時已經識唱歌,但直到 18歲參加當地歌唱比賽「 Chinese New Talent」晉身 12強,才鼓起勇氣,向家人提出想來港發展音樂事業。 

姓名︰ SimC Chan
年齡︰ 24歲
微博︰ SimC_(粉絲人數 2517人)
facebook專頁︰ SimC(粉絲人數 827人)


採訪、撰文:張志威
攝影:范仲良
化妝、髮型: Kk Ho
服裝: Bryan@the Flaming
服裝: snidel 

創作者介紹
創作者 tvb4life 的頭像
tvb4life

明星八掛大分享★☆

tvb4life 發表在 痞客邦 留言(0) 人氣()