喊住咀張智霖與陳法拉由香港咀到去巴黎,不過有靚景做配襯,冇人嫌悶嘅! 

娛樂喧

率先爆《衝上 II》重口味劇情 張智霖牀戰 6女

十年前,無綫劇《衝上雲霄》熱爆全城, Sam哥(吳鎮宇)加 S4黃宗澤、陳鍵鋒、吳卓羲及馬國明冧盡老中青港女。《衝上雲霄 II》將於下周一( 15日)面世,可惜主題曲已由琅琅上口的〈歲月如歌〉變了林子祥獻唱的老土懷舊金曲〈前傳〉,網友唔唾棄就假。好在有防腐男張智霖空降《衝上雲霄II》,仲同兩代咪神陳法拉及梁政珏激戰。
張智霖更向本刊大爆牀戰 6女,鬥重口味,應該唔會輸蝕俾奇獸盡出的求愛真人騷!

張智霖雜食機師

張智霖飾演風流機長顧夏陽,吸引唔少女車輪轉埋身,與他有埋身接觸的包括陳法拉飾演的女機師何年希、「索 model」梁政珏、「記者妹」陳敏之,以及空中小姐劉俐、倫紫玄及陳欣淘。
張智霖與陳法拉及梁政珏都有埋身肉搏戲。前者與他連場激咀,場地包括浴室、睡房、酒窖及巴黎街頭;而梁政珏亦有一場身穿肉色喱士睡衣,情挑張智霖的戲份。梁政珏表示:「呢場牀戲拍咗兩 takes,我都好緊張,不過 Chilam好專業,佢帶我入戲,仲叫我放鬆啲。」張智霖亦向本刊透露:「我喺《衝上雲霄II》同幾個女仔都有感情戲,有啲牀上戲都幾激㗎!有場講個女仔會除剩個 bra同我上牀,尺度都好激。」不過陳法拉同張智霖纏綿完後,最終都決定投向吳鎮宇懷抱。 Chilam咁風流,當然食自己啦!

有美相伴

張智霖去到邊都有美相伴,據知俏空姐劉俐(藍莓)一直暗戀他,仲有幕夜半敲房門戲,好有挑逗性。

無限聯想

講到張智霖是風流機師,牀上戲一定唔少得。不過官方劇照的牀戲好似兒戲啲喎,點解有着衫呢?

型男晒肌

張智霖會同新人陳欣淘有幕牀戲,雙方裸背演出,場面都幾震撼。

周街咀

已過檔香港電視的前港姐倫紫玄,亦會飾演張智霖其中一個女友,有幕講她飲醉酒之後,醉咀 Chilam。

火辣演出

咪神梁政珏會做張智霖的 model女友,拋胸露腿是指定動作。兩人仲會有場激烈牀上戲,唔知靚靚會否睇到眼火爆。

 

 


情歸鎮宇 

不如改名叫《牀上雲霄》啦! 

馬國明腳踏兩船

張智霖連食 6條女,馬國明飾演的高級副機長高志宏都唔弱。劇情講他到台灣發展後左右逢源,有兩個靚空姐女友鍾麗安(陳倩揚飾)及菲菲(林芊妤飾)。一腳踏兩船都未夠激,馬國明在街頭巧遇失婚機艙事務長方芮嘉(江美儀飾),竟與她發生一夜情。

溝人妻

食開索女的馬國明居然越級挑戰失婚婦人江美儀,兩人會有激咀牀戲。之後江美儀仲苦悶到去夜店叫鴨。


機艙被掌摑

馬國明兩頭瞞,分別搭上靚空姐陳倩揚及林芊妤,結果有次三人同機,東窗事發,馬國明硬食兩女巴掌。

胡定欣代友產子

胡定欣飾演的空姐凌卓芝本身有一個感情穩定的男友鍾世沛(黃子恆飾),不過她的老友方麗月(趙希洛飾)生唔到仔,胡定欣代她與其男友黃嘉樂產子圓夢,最終男友接受唔到決定分手。胡定欣後來識了機師詹子麟(羅仲謙飾),兩人最後開花結果。

分手收場

原先胡定欣已應承與機師男友黃子恆結婚,可惜胡定欣代好友生仔,最終與未婚夫掟煲。

團圓結局

最後羅仲謙識貨,與胡定欣共諧連理,是《衝上 II》中最幸福一對。

胡杏兒降班搶吳卓羲


胡杏兒話晒都係女主角,最終傅嘉莉自動退出,成全她與吳卓羲。 

胡杏兒先以唐亦琛(吳鎮宇飾)前妻 Zoe出場,第二集因心臟病逝世。她再以飛機維修督導員顧夏晨身份出現,感情線對手由大佬吳鎮宇降呢去細佬吳卓羲,並與咖啡廳侍應傅嘉莉爭仔。有遺傳病的傅嘉莉暗戀吳卓羲,更誤會對方對她有意。及後吳卓羲知道她的病情,願意與她影婚紗照,還她心願。最後傅嘉莉離港赴台灣養病,吳卓羲與胡杏兒才開展戀情。

拉鋸一番

吳卓羲本來對胡杏兒有好感,不過女方太似胞兄吳鎮宇的亡妻,令兩人關係未能更進一步。

七國咁亂關係圖

 


撰文:娛樂組
攝影:攝影組

創作者介紹
創作者 tvb4life 的頭像
tvb4life

明星八掛大分享★☆

tvb4life 發表在 痞客邦 留言(0) 人氣()