早前有報道指法拉跟丈夫薛世恒「情變分居」,雖然法拉自稱「𠵱家係好幸福狀態。」但受情變傳聞困擾,法拉上週四( 27日)出席活動時,明顯見疲態。

封面
等分身家 𢱑撈岳少 失婚法拉賴死唔搬
陳法拉與 Neway太子爺薛世恒 7年情疑似玩完,有傳因 2人的聯名財產處理需時,意味薛世恒仍未分身家給法拉,而剛約滿 TVB的法拉又決定返美國修讀電影課程,冇老公冇事業暫時雙失。
但法拉 BB點會咁失威,本刊發現法拉仍然住在與薛世恒同居的豪宅半山壹號愛巢賴死唔搬,另一方面亦為向影圈發展鋪路,向多間電影公司包括寰亞老闆林建岳埋手, 31歲失婚法拉係時候重新出發。

法拉跟薛家大少薛世恒 06年撻着, 11年傳 2人於美國秘密結婚,兩人恩愛時經常繑手出席公開場合,但至最近法拉已改口風說:「兩個人嘅事應該低調。」

陳法拉早前在微博寫道:「我選擇沉默,因為我不想說謊,這是我最後能做的,為你,為我。」惹情變疑雲。上週四( 27日)她返港出席活動時對於是否回復單身則一味兜圈:「我哋之間嘅事會低調……,我知有好多人擔心我,我𠵱家好開心,呢幾個月係最實在、最清晰嘅,知道以後嘅路點行。」更惹揣測。
安排贍養費
一直有傳法拉與 Neway太子爺薛世恒兩年前已在美國註冊,多年來法拉亦沒有否認,據知 2人分手後已即時辦理分配聯名財產的問題,但因辦理手續需時,薛世恒仍未落實如何安排贍養費。 2人雖然情轉淡,但法拉並非如早前雜誌報道已遷出何文田租住的半山壹號豪宅,上週四出席公開活動時,仍有薛家名下保母車接載。

分手未分居
有指法拉情變後已遷出與薛世恒同居的半山壹號豪宅,但本刊在 6月頭仍見她在寓所外截的士返 TVB。

坐薛家車

上週四法拉仍有掛中港車牌的薛家保母車接載四圍去,並非如報道稱她冇車用。
叫老公開戲
法拉身邊人爆料,指 2人分手原因是因為老公不肯再投資捧自己:「法拉不嬲鍾意拍戲,以為老公會出錢捧佢,佢又叫過老公出錢開戲畀佢拍,但薛生死都唔肯,事關薛世恒同二少薛嘉麟分別打理唔同家族生意,但聽講薛世恒近年喺家族生意失勢,二少就做埋中大印刷行政總裁,仲取代咗大哥打理 Neway同星娛樂,大少梗係郁唔到錢再搞電影啦!」
一心諗住靠老公的法拉 5月約滿離巢無綫,點知如意算盤打唔響,更搞到愛情、事業齊齊玩完變雙失,醒目法拉即𢱑到在陳嘉上執導的鬼片《奇幻夜》中演出,拍住任達華、梁家輝等影帝,再闖影圈。

大馬受歡迎
法拉雖然跟無綫約滿,但上週六( 29日)仍跟《衝上雲霄 II》大隊到馬來西亞宣傳,期間法拉勁受歡迎,她說:「有啲粉絲專登由新加坡嚟支持我,佢哋好有心。」

法拉死敵胡杏兒因為趕拍《巾幗 III》冇份去宣傳,獨挑大旗的法拉分外風騷。
投靠岳少
不過以自由身接電影好唔穩定,據知法拉已向寰亞老細林建岳埋手,準備簽約為旗下女演員。知情者說:「法拉傾緊幾間公司,最大機會係岳少嗰間。其實法拉對自己演技好有信心,但拍咗 7年劇覺得拍劇冇作為,拍《東西宮略》太辛苦搞到壓力面癱要停工,早兩年《潛行狙擊》提名視后又輸畀胡杏兒,一早就心灰意冷。 09年拍《 Laughing Gor》套電影,佢就想轉去拍戲,所以至會叫老公揼水開戲啫,𠵱家惟有靠岳少囉!」
對於想主力拍電影,陳法拉上週四( 27日)回應說:「其實好多間傾緊,未透露得住喎!」至於叫老公開戲唔成,她就說:「呢方面暫時唔回應。」而寰亞電影發言人梁小姐則說:「任何有潛質嘅藝人都想合作。」法拉回復單身後潛質更優厚,即係啱傾啦!
講情變兜大圈
法拉情變消息傳出後,上週四( 27日)專程由美國返港與陳豪出席品牌活動,法拉罕有地大談感情狀況,又表示這幾個月來變化好大。

上週四(上月 27日)法拉跟陳豪一齊出席護膚品牌活動,法拉努力擠出笑容配合幸福陳豪,夠專業。

情變傳聞一出,法拉即惹來大批傳媒追訪

微博洩「分」
陳法拉與 Neway大少薛世恒一向愛得甜蜜,但法拉於 5月初突然在微博寫上「這是我最後能做的,為你,為我!」惹來情變傳聞;近日又不斷借微博抒發感受,又暗指自己跟《衝 II》角色何年希一樣,「還沒空找幸福……」

豪坐頭等
法拉自稱赴美進修,早前她亦放了一張坐頭等艙的相上微博,大少奶生活未變

專心攻影圈
陳法拉 06年開始拍劇,專演姣精角色,近年轉型成功上位做一線。她一向認為自己演技了得,可是多次提名「最佳女主角」都失望而回,早就向好友透露想在影圈發展。
09年無綫投資開拍《 Laughing Gor之變節》,法拉飾演 Laughing女友即挑起她的拍戲癮,之後拍過 5部電影,故此今年 5月她約滿 TVB後,希望在影圈打出名堂,岳少打骰的寰亞電影出名專拍大片,啱晒法拉心水啦!

捧岳少場
據知法拉最近頻頻跟林建岳(小圖)旗下的寰亞電影接洽,甚有機會轉岳少碼頭,而早前岳少投資的電影《中國合伙人》首映,剛約滿的法拉亦隻身捧場。

孖影帝
法拉熱愛拍電影,最近剛完成陳嘉上執導的鬼片《奇幻夜》同兩大影帝張家輝和任達華合作。
情敵回歸
陳法拉一腳踏出 TVB,年半前曾傳介入她與薛世恒之間的 HotCha成員 Regen就返無綫拍劇,果然風水輪流轉。
Regen上月初就同黃宗澤、岑麗香和楊愛瑾出席《貓屎媽媽》開鏡拜神儀式,被問到冇機會同法拉合作會唔會可惜, Regen就話:「唔會,但有機會都好,我 15歲就識佢。」明寸 31歲法拉老啫!

法拉剛離開 TVB, Regen便立即有新劇《貓屎媽媽》拍。

11年本刊影到薛世恒趁法拉不在港,偷偷跟 Regen行街,又踩上薛世恒舊居畢架山一號拜年,事件曝光後, Regen以「自我增值」為由,被放逐離港。

採訪、撰文、攝影:娛樂組
美術:楊國樑

, , , , , , , , , , , , , ,

Posted by tvb4life at 痞客邦 PIXNET 留言(0) 引用(0) 人氣()