嚇人牀照閒時客串做模特兒的 Sharon,最愛瞓在牀上擺 pose。呢張大眼篤唇相,同潘霜霜與林峯的牀照有異曲同工之妙。 

滾熱辣 求愛大作戰

《求愛》港女大起底 爆瘡妹 Sharon素顏牀照

去年無綫真人騷《盛女愛作戰》叫好叫座, 5位盛女成為全城熱話。本周一( 10日),由編導岑應操刀的盛男版《求愛大作戰》接力播出,由 8位不同背景的港男力追 6位單身女。今輯「糖衣包裝」的平民女神拍得住上輯的盛女極品 Florence。當中自稱有家底的 Vivien,原來一味靠吹,仲耍手段杯葛其他女仔。
而吸引多位盛男約會的 Sharon,曾兼職模特兒,拍下不少驚嚇私照,包括素顏牀上自拍照等,還積極上交友網站勾仔。咁主動又有公主病,難怪最後慘變賣剩蔗。

 

《求愛大作戰》頭兩集,除披露 8位盛男真面目,還公開他們的擇偶條件。估唔到「睇樣行先」的盛男們,竟然搶住跟自認有公主病的「港女雙妹嘜」——爆瘡妹 Sharon同大隻妹 Vivien約會,而樣靚嫩口的 Whitney卻苦無人敢追。不過到節目尾段,情況出現逆轉,盛男們最終都睇穿兩人真面目。
據知 23歲的 Sharon,在印刷公司做文員,間中兼職模特兒搵外快。假日她最愛與好姊妹到酒吧夜蒲獵艷。有知情人透露:「佢喺英國讀過書,份人 open又唔怕蝕底,所以落親酒吧都識到男仔。不過佢性格真係好難頂,成日 check住男友去邊,下下都要人哋幫佢拎手袋,幾個男朋友都係頂唔住佢啲臭脾氣而飛咗佢。」屢敗屢試的她,經常到交友網站識男仔。本刊在一個交友網站上,還發現她上載了不少大頭素顏牀照,張張都動作誘惑,可惜雙眼分得太開,毫不養眼。


靠長腿食糊上周六( 8日), Sharon(右一)與其他參賽者到尖沙嘴出席《求愛大作戰》宣傳活動。面部暗瘡有如火山爆發的她,着上短褲晒長腿,遠望的確比其他女仔優勝,但近睇就…… 

短裙晒腰Sharon最標青算是一對長腿,不過她竟然收起長腿晒粗腰,加上木口木面和長髮遮眼相,趕客! 

公主病累事

Sharon在節目中表示:「求愛?呢一班?咩幻想都冇晒!」擺明自視甚高,港女性格表露無遺。當得知成為首輪盛男的票后三甲,她曾沾沾自喜向朋友表示:「呢班男仔,我三兩下招數都冧掂佢哋。」原來她對能源博士候選人梁俊佳( Guy)同富二代 Justin最嗒糖,可惜阿 Guy最終都打退堂鼓, Justin則睇中靚女 Whitney。
有工作人員透露:「原本兩男都覺得 Sharon性格幾爽直幾啱傾,不過慢慢佢啲港女性格就湧晒出嚟,叫人開水樽一聲唔該都冇。去到龍目島拍外景,又成日對班男仔呼呼喝喝,點人哋做嘢。與佢同屋嘅 Carol同 Whitney都怕咗佢。鬼咩,驚俾佢點埋一份呀!」據知 Sharon在龍目島中與阿 Guy一對,不過男方最終都冇揀她,最後都配對不成功。港女結局,都預咗啦!


周圍識男仔Sharon在「 Bebo」交友網站,表示自己鍾意飲酒,想嫁俾一個完美男人,成為成功及有錢女人。簡單講,即是想搵金龜,港女到呢。 

賣剩蔗喊爆節目尾段,性格趕客的 Sharon由萬人迷變賣剩蔗。當堂喊爆話:「我唔係咁㗎!」反口唔認自己係港女。 

《求愛》 4公主

Vivien充富二代
大隻妹李婉婷( Vivien)與 Sharon性格相近, Vivien在北京師範大學讀工商管理,甚懂得交際手段。據知在節目初段,她為攀附家族經營紅酒生意的富二代 Justin,曾吹噓幫屋企人打理石油生意,可惜亦吸引不到男方注意。有工作人員透露:「佢成日同班男仔講:『你哋想上嚟深圳玩同我講,我公司會有人招呼你。』講到間石油公司係佢屋企開咁,其實只係佢親戚喺嗰度做高層, Vivien喺嗰度打份工啫。」據知其父是深圳公安高層,極其量都只叫做高幹子弟,而非富二代。



Vivien表示會不惜一切,耍手段令對手離開。可惜她用盡手段都得不到 Justin歡心。學下 Whitney扮乖女啦! 

 


睇完 Whitney段片,眾盛男都表示對她有興趣, Guy仲話望到她會心跳加速。可惜她一早有意中人,參加節目都只是「搵多幾個觀音兵」。 

Whitney踩幾船
21歲的屋邨妹 Whitney,皮膚白淨兼年紀最細,吸引到多位盛男留意。節目後段更成為票王,「初頭班男仔覺得佢高不可攀,到後段發覺原來 Whitney唔係咁難追, Justin同阿 Guy都有主動撩佢,但 Whitney都冇應承佢哋。」梗係啦,其實 Whitney本身已有男友及多位追求者,參加這節目,擺明想釣大魚。

 


Jasmine指自己是個開心果,會感染到身邊人快樂。不過傻大姐又點會鬥得過有機心的 Vivien。 

Jasmine被 out
做銀行業務主任的 Jasmine,是 6位女神中性格最隨和,最後卻無以為繼。「 Jasmine本身有追求者,佢上嚟節目都係想擴闊下社交圈子。佢份人傻大姐冇乜機心,同班男仔都相處到,可惜最後都輸咗俾 Carol,入唔到 4強。」工作人員說。

 

Carol三點式辣仔
29歲的 Carol,任職時裝採購及兼職模特兒,拍過不少三點式性感照。她本應在第二集被 out出局,不過中段有另一參賽者 Mona退出,她以後備補上,最後更成功殺入 4強。「佢同 Jasmine都好爽同獨立,唔會使死班男仔,加上有禮貌又主動,個個男仔都同佢做到好朋友。」她現時與 Rocky、 Justin等仍有私下約會,不過本身有兩、三位追求者的她,僅視兩男為好友。


Carol有做過「私影模」,三點式比堅尼照任睇唔嬲。據知她最近亦頻頻孖住 Sharon落夜場出擊𠝹仔。 

Carol與 Whitney一樣,亦有幾位追求者,上周六( 8日)宣傳活動,她的其中一位追求者 Charles亦有到場支持。 

網友狂插性向成疑  23歲 Karl:唔抗拒同男仔拍拖

上輯人生教練 Santino人氣爆燈,風頭蓋過一眾參賽者。本周一( 10日),首集《求愛大作戰》播出後,被喻為「綠魔」的形象指導許嘉浩( Karl)亦應聲彈出,由於他雌雄難辨,不少網友連他的性別都未搞清。形象百變的他, fb上載不少攞你命的 kawaii照片。


本周二( 11日) Karl接受本刊訪問,他最愛着短褲,近距離睇,佢係有腳毛㗎! 

 

男生女相的 Karl,今年只得 23歲,由於打扮造型似足女仔,曾令不少男士誤以為他入錯男廁,甚至成為基佬的獵物。 Karl對本刊說:「試過有變態佬喺廁所門口等我,跟足我一條街,我怒啤佢先唔敢再跟嚟。有次最嘔心係同個𡃁模落酒吧玩,無啦啦有個麻甩佬走嚟摸我 pat pat,我即刻問佢咩事,條友竟扮冇嘢走咗去。(俾佢抽水咩感覺?)冇,覺得佢好過分!」
對於不少網友質疑他有易服癖,他說:「男仔着裙唔代表係基,都係一個潮流,日本、韓國好多男仔都咁着㗎啦!我唔會理其他人點睇,亦唔會因為佢哋嘅批評而去改變我嘅衣着打扮,忠於我自己。(咁你係咪自細已經鍾意扮女仔?)我細個會拎媽咪啲唇膏嚟搽,又會學畫大啲隻眼。(有冇偷阿媽啲胸圍嚟戴?)咁又冇,你以為我變態㗎咩。」
被指是「基佬」的 Karl,自稱曾與三個女仔拍過拖,坦言早已失身。談到是否雙性戀,他直言:「拍拖都係求開心,我唔會理佢男定女。唔會抗拒同男仔拍拖,我覺得冇問題,但到呢刻為止,仲未有男仔令我有拍拖衝動。(咁即係雙性戀?)……我都未同過男仔拍拖,但唔排除將來會囉!(依家有冇人追你?)有,追我嘅人有男有女,男女比例係 8比 2。我有個男同學睇完個節目,特登傳短訊讚我:『好正』!(佢想追你?)唔知呢,我知佢係同性戀囉,總之我依家仲單身!」 Karl講到明唔介意男性埋身,看來無綫下次可以搞個同性求愛真人騷,搵佢做男主角喎!


落力刨書周二( 11日), Karl單拖現身中環,經過便利店時,翻看有關自己報道的雜誌。當日他將長髮放下,和節目內的樣子完全唔同,故沒有人認得他。 

唔准剪髮之後,他到中環 Private-i set頭,其髮型師 Kenny向本刊記者說:「佢唔肯俾人剪頭髮。」 Karl解釋是未諗到新髮型之前,不會剪掉頭髮。 

私相勁攞膽

Karl與圈中人稔熟,亦愛將私人照放上 fb,張張都服飾搶眼,動作仲 kawaii得過分㖭!


早期短髮 

回眸一笑 

扭 23吋腰

與 Wyman合照 

村姑 look 

撰文:娛樂組 
攝影:攝影組

 

《求愛》港女Sharon被起底 自貼嚇人床照 求愛大作戰

Ads by Google

創作者介紹
創作者 tvb4life 的頭像
tvb4life

明星八掛大分享★☆

tvb4life 發表在 痞客邦 留言(0) 人氣()