Beauty Hunt

大開眼界 王敏奕 Venus

影壇新人王敏奕( Venus),最近有幸孖住杜汶澤同阿 Sa,參演新戲《超級經紀人》。初入影圈,但其實 Venus早在 14歲已入行做模特兒, 08年 15歲已被麥曦茵導演𥄫中拍電影《烈日當空》,從而開始邊讀書邊拍戲生涯。
今年 21歲的 Venus演戲經驗比同齡新人豐富,為全力入行, Venus上年更停讀 City U的法文課程,遠赴紐約進修電影及戲劇課程。有清新純樣又識自我增值,睇吓幾時彈出啦!

Profile

姓名:王敏奕( Venus)
身高: 168cm
體重: 48kg
微博:王敏奕 Venus(粉絲人數 3,132人)
fb專頁:王敏奕 Venus(粉絲人數 2,704人)
Instagram: wongmanyik(粉絲人數 6,465人)

 

入行 6年,拍過不少廣告、微電影的 Venus,演出機會不缺,但偏偏欠缺爆發位, Venus說:「其實我覺得自己好幸運先啱,一直都有好多人幫我,呢刻只係想啄磨演技,裝備好自己成為一位專業演員,我唔介意行得比人慢,我個人比較踏實,冇諗過要『嘭一聲』上位,咁我仲驚呀!」


最近拍了白蘭氏飲品廣告的 Venus,早前亦去了澳洲替旅行社拍微電影,嚟緊亦有兩個廣告將出街,認真係 CM小女王。 

《超級經紀人》中, Venus與另外 6位來自內地的女生一同合作, Venus話佢哋各有長處,合作得開心之餘,仲可互相學習。 

貴人杜汶澤

剛與杜汶澤同阿 Sa拍完《超級經紀人》, Venus話忙得好充實,更說最多謝阿澤畀機會。
「杜汶澤係其中一個畀機會我嘅人,拍完《 Diva》後,係佢叫我 cast《超級經紀人》,我未試過拍喜劇,拍《超》開頭好唔習慣,表情要演得誇張啲,仲要跳埋舞,不過阿澤好識帶我哋一班女仔入戲。」
與大星合作完, Venus又回歸小本製作世界,為 IVE(香港專業教育學院)拍攝微電影,之後更會到她曾修學的地方紐約拍攝獨立短片。 Venus說之前在紐約修學時,曾大膽紋下「 No Fear」兩字在手指側,提醒自己要勇往直前。「我會去紐約參演一個全外國人團隊製作嘅獨立短片。我要演一個華僑家庭女仔,肯定係我一個好好嘅經驗!」見過世面,先可以增強戰鬥力呀!




年多前 Venus拍攝陳奕迅〈張氏情歌〉,因當中一幕摷裙底意識大膽,當時 MV在 YouTube有 40多萬人次點擊而引起話題。 


採訪、撰文:魏紫嫦
攝影:黄家活
服裝: rosebullet

文章標籤
創作者介紹
創作者 tvb4life 的頭像
tvb4life

明星八掛大分享★☆

tvb4life 發表在 痞客邦 留言(0) 人氣()