Kevin仔因鼓手身份認識唔少藝人歌星,整蠱對方要諗過度過:「最緊要係相熟嘅,而又知道佢玩得嘅,否則玩完佢冇反應就唔好睇!」而《玩爆你個腎》呢個名只係隨口噏,純粹過癮冇特別原因。 

搜尋氣

元祖玩嘢王 《爆腎》 Kevin仔:李思捷想搵我玩

《玩嘢王》整蠱藝人 hit爆,卻被指是抄襲網片《玩爆你個腎》,「爆腎」搞手 Kevin仔(李健宏)曾是樂隊 Hardpack鼓手,兩年以來玩過十幾位藝人歌手,參與玩人同被玩的有薛凱琪、陳奕迅、阿 Sa、范曉萱、杜汶澤、官恩娜和陳小春等,卡士唔差過《玩嘢王》,橋段最激連警車同殺警都玩埋,瀏覽總數超過 2百萬!
貴為元祖玩嘢王, Kevin仔亦表示原來早於《玩嘢王》籌備初期,李思捷曾斟過他合作玩藝人,不過 Kevin仔唔 like大台多掣肘,自己玩仲過癮。

 

啲人話《玩嘢王》抄我,唔,多謝大台欣賞啦,我冇睇過,因為我唔睇電視嘅,不過我唔覺係抄嘅,整蠱節目外國都有,如果話係抄,咁我都係抄人啦!覺得 TVB唔夠激,如果我有咁嘅人力物力,我會玩軍火、爆破、撞車、劫車,但係大台有底線囉,只可以玩得詼諧啲!
以前同李思捷合作過《福祿壽》,佢扮人真係好似,之前佢打畀我,想搵我合作玩一次,但我冇時間,而且我唔想樣樣嘢俾人控制,平時工作上已經要俾人控制,《玩爆你個腎》我希望有自由度,我係真係癲,如果唔盡我哋唔會玩!
兩年前開始拍片,當時 Hardpack同吳雨霏合作搞「合+歡」, Kary突然提出不如整蠱我啲隊友吖,原來佢咁玩得嘅,於是矛頭指番去佢度喇,我搵人扮古惑仔玩番佢,嗰次覺得真係好玩,以後就不定期玩啲藝人!開頭同啲明星經理人度期都好難,佢哋覺得無端端做乜要俾你條𡃁仔玩,後來玩多咗,啲唱片公司先至肯放人。
度橋係好難,多數係我親身經歷,薛凱琪俾黑社會恐嚇,我都試過;又試過開騷前有警察嚟,收到線報話我販賣毒品,好衰唔衰銀包入面有包泰國拜神嘅蝴蝶粉,阿 Sir要拉我,但包嘢係好香嘅,攞出嚟人人都聞到,阿 Sir先至信我冇藏毒,但我已發現原來身冇屎都可以好驚㗎,呢單嘢後來用嚟玩 As One,扮警察拉佢哋上警車,又搵大賊殺差人,嚇到佢哋死!諗呢啲橋個人要夠 X街先得,有少少惻隱之心都好難,大台好難做到。我鍾意玩啫,唔敢叫自己做乜乜王囉!


Kary首受害Kevin仔是樂隊 Hardpack鼓手,曾與 Kary合作過「合+歡」出唱片,可惜 Hardpack剛於上週搞完告別騷後已拆夥。《蘋果日報》圖片 

Fiona玩到喊《玩爆你個腎》搞晒大龍鳳,夾埋經理人嚟玩藝人,網上最爆係薛凱琪排舞時被假黑社會人士恐嚇,嚇到喊薛凱琪有成 32萬。 

殺警嚇 As One女子組合 As One被玩得最慘,被假警察押上警車之餘, Kevin仔同火火更假扮通緝犯在她們面前殺警,點擊率超過 63萬,《玩嘢王》敢唔敢玩到咁激?

採訪、撰文:何志衡
攝影:鄭明川

文章標籤
創作者介紹
創作者 tvb4life 的頭像
tvb4life

明星八掛大分享★☆

tvb4life 發表在 痞客邦 留言(0) 人氣()