文章分類☆熱門標籤:

 


SUBMARINER COMEX( Ref. 5514)勞力士六十年代起為法國深海打撈公司 COMEX潛水員特別提供的潛水錶系列,雖然雙方至今仍有合作關係,但 SUBMARINER COMEX早已停產,加上全都是非賣品,被視為勞力士收藏家的夢幻錶款。參考價:$80至$120萬 

玩物壯志 勞力士 ROLEX 

點解有新勞唔玩,要玩舊勞?

阿爸教落:「阿仔,點都要買隻勞,因為戴勞是派頭,代表你撈得掂。加上幾時都有市有價,手緊舉俾二叔公江湖救急,都唔會蝕太多。」
然則,買勞可以保值乎?
正確,勞(勞力士, ROLEX),可以保值,又有觀賞價值,尤其「舊勞」,可以說是集「玩、睇、戴、保值」於一身。
新款固然有捧場客,不過,亦有理由相信舊勞的捧場客人數是有過之而無不及,古董勞鋪頭、中外舊勞討論區、網上舊勞買賣……
五花八門,當中牽涉的學問同樂趣,當然不可能在三兩頁紙內詳細解釋,所以,今次先以最熱門、易入門的「 SUBMARINER系列」作引子。

會上癮的

找來三位資深勞迷,同你 share點解要舊棄新。

 

Albert Leung
玩勞年資:廿年以上
最愛款式: SUBMARINER黑金( Ref. 1680)
廿幾年前阿爸送咗隻精工舊錶俾 Albert之後,就對 vintage味濃的舊裝錶產生濃厚興趣。當年差不多日日落錶鋪同勞迷傾偈,儲了幾個月錢,買了人生第一隻勞,之後就好似中毒一樣,不斷同朋友、二手錶鋪 trade-in換錶,直至現在已玩過過百隻不同款的勞。

 

Ivan Hon
玩勞年資:十五年
最愛款式: SEA-DWELLER雙紅( Ref. 1665• Mark II)
九十年代買第一隻勞時, Ivan都未算是真正勞迷。九七年,因為日劇天王木村拓哉在《 Love Generation》中戴過 EXPLORER I,掀起戴勞熱潮, Ivan亦開始沉迷玩勞。現珍藏十數隻「 NOT FOR SALE」的舊裝勞,最愛的是十年前在日本搵到俗稱「雙紅」(錶面上印有「 SEA-DWELLER SUBMARINER 2000」兩行紅字)、錶盤已變成啡色的二期 SEA-DWELLER。

 

Kenneth Or
玩勞年資:十三年
最愛款式: SUBMARINER COMEX系列
玩新裝錶起家的 Kenneth,第一隻勞就是 SUBMARINER,貪新錶質感夠實淨。不過幾年後,因為身邊好多朋友都轉玩舊裝錶,自己亦轉口味,想玩懷舊錶,所以就開始瘋狂儲舊裝勞。最高峰時,儲齊一套九隻,極為罕見、總值千萬的 SUBMARINER COMEX。

獨愛舊味

點解玩勞?一百個錶迷可能會有一百個不同答案,之不過玩得舊裝勞,三位勞迷都是獨愛其懷舊 feel!正所謂,玩舊裝勞是玩「感覺」,而不是追求手錶的「準確」。
別以為「二手勞」等同「舊裝勞」,一說已停產的款式就是舊裝勞,亦有人認為五十至七十年代推出的款式先算是舊裝勞……人人有不同定義。另外,由於勞力士錶廠由始至終都無官方定義,又或者站出來否定任何一個說法,這正正就是勞迷玩舊勞的精髓所在:勞迷要自己做功課,集思廣益,在同好中鬥多知識。


SUBMARINER DATE單紅( Ref. 1680)1970年前後幾年間推出的 SUBMARINER DATE,特別之處在於錶面上「 SUBMARINER」字樣為紅色,所以俗稱為「單紅」。參考價:$6至$10萬 

JAMES BOND BIG CROWD SUBMARINER( Ref. 6538)1964年電影《 James Bond 007: Goldfinger》中, 007辛康納利手戴無錶肩的 SUBMARINER Ref.6538。參考價:$70至$80萬 

投資有道


Albert最愛的啡面雙紅,市場上十分罕見。 06年於日本以 18萬港幣購入,到而家升值至 50幾萬都不捨得放手。 

眾所周知,勞力士非常保值,甚至可以視之為一項投資產品,抗跌能力高,市場流通量大,買與賣都比樓宇、股票方便,還價即成,一手交錢一手交錶。 Ivan話,幾年前,買賣勞力士助他搵了不少錢,「十幾年前賣了層樓,得來的資金差不多全數投資落勞力士,在○七、○八年間,好多人高追買錶,每隻勞轉一轉手就可以賺幾十萬。就算○九年因為金融風暴令勞力士價格下跌三成左右,但在這幾年,又再升番好多。肯 keep的話,就一定不會輸,當中仲賺埋戴勞的樂趣。」

點算好勞


成套連木盒及保用證的 1680,至少可以賣貴一兩萬。 

點樣先算是一隻好勞呢?三位勞迷都話:「最緊要件『面』夠靚!」 Albert指出,一隻舊裝勞的價值,並非在於機芯,「隻錶的錶盤 condition保養得好與壞,例如甩油、發霉或崩裂都會影響價值。另外,每一款錶並無一個標準價格,無論雜誌或者網上的標價都只可以用作參考,有時個『面』好靚、齊保養證及錶盒等,隨時可以比參考價貴三四成。」
不過, Kenneth就提醒初入門玩家,玩得舊裝勞就不要太吹毛求疵,「始終舊裝錶俾不同人戴過,好難搵到一隻十全十美。建議邊玩邊升級,先買一隻質素不錯的,邊戴邊搵,遇到一隻更靚就 trade-in升級。」

玩勞術語

波膠或砧板膠
指七十年代或之前, SUBMARINER的錶面是由厚身的「 Arcylic」膠所製成(右圖為「波膠」)。

出世紙
即買錶時附有的國際保用證書,早期是一張紙,由○七年起就改為塑膠卡。證書上寫有手錶流水號、型號等,如果手錶附有出世紙,身價可以高出一兩成以上。

流水號
每一隻勞的錶殼上都會刻有獨有流水號(即是 serial number,右圖紅框),可以因應流水號而查出手錶的大約生產年份。

行紙
勞力士服務中心所發出的維修發票單據,同樣會列出手錶流水號、型號等,不過因為可以隨時補發,論價值遠不及出世紙。有行紙,即代表此錶是真品(由 original parts組合而成),不過,行紙亦可偽造。


去邊度買

講到尾,邊度搵舊裝勞最好?去歐洲定日本? Ivan就話:「歐洲買錶個價比起香港貴兩成有多,好難搵到筍盤。雖然意大利可以搵到好多罕見錶款,但好多都是非賣品,只睇不賣。」 Albert教路:「趁日圓匯率低,如果去開日本旅行,可以去錶鋪林立的上野或中野,都仲有機會執到寶。」在購買過程中,落鏡睇(用放大鏡睇),問長問短,大膽講價,爭取免稅,整個過程相當過癮。


舊裝早期舊款勞的錶面熒光刻度為「膏藥面」(左),後期或新裝錶已改為「釘框面」(右)。 

新裝 

Albert表示,去日本旅行,一落機,立刻買本當地錶書,內裡有齊大量全新或二手錶鋪地址,然後逐間尋寶。

港購攻略

香港買舊裝勞,最好去有信譽以及款式齊集的錶鋪選購。

 

以量取勝
The Vintage Concept
Vintage Concept主打售賣舊裝勞,於中環及灣仔都有分店。店內可以搵到好多罕見舊裝勞,是勞迷必到之地。
網址: http://www.thevintageconcept.com 

 

舒適細選
London Watch
尖沙咀近皇悅酒店的 London Watch,店鋪面積非常寬敞,新舊裝勞都可以在此搵到。
網址: http://www.londonwatchcollection.com.hk 

 

分店最多
Kenwatches
雖然以單一鋪面而言,舊勞數量不及其他錶鋪,但勝在夠多分店,包括中環、灣仔、銅鑼灣以及旺角,去到邊睇到邊。
網址: http://www.kenwatches.com 

新舊對比

一隻 condition一般的舊裝 SUBMARINER,四萬左右有交易,新裝( Ref. 114060)則要成五萬八。
SUBMARINER系列一向較受歡迎,多人要,買或放賣自然不算難,所以最合新手玩。

SUBMARINER

 


舊裝Ref. 5513參考價:$4至$5萬 

新裝Ref. 114060官方價:$58,000 

SUBMARINER DATE

 


舊裝Ref. 1680參考價:$4.5至$6萬 

新裝Ref. 116610官方價:$62,100 

勞友好網

想搵更多有關勞力士的資訊,或者舊錶買賣,可以 click入以下幾個大部分勞迷都會到的網站。

香港勞迷俱樂部( HKROC)
香港最多勞迷上的討論區,可惜近年新帖較少,大可當作一個勞力士資料庫。
網址: http://www.hkroc.com 

Vintage Rolex Forum( VRF)
外國最知名的勞迷討論區,受訪三位勞迷都是此討論區常客。
網址: vintagerolexforum.com

The PuristS.com( Rolex)
外國名錶討論區之中的勞力士分區,非常多外國勞迷在此「晒錶」。
網址: rolex.watchprosite.com

The Ultimate Rolex Forum( TURF)
分類比較清晰的外國勞迷討論區,可以睇盡歷來勞力士錶的資訊及相片。
網址: http://www.newturfers.com/vb 


撰文:林勇
攝影:吳卓凡、陳健邦

文章標籤
創作者介紹

明星八掛大分享★☆

tvb4life 發表在 痞客邦 PIXNET 留言(1) 人氣()


留言列表 (1)

發表留言
  • 永豪 杨
  • 勞力士水鬼,黑水鬼,綠水鬼,Rolex字頭,Rolex滿天星,勞力士女錶及最新款式
    http://www.rolexstoretw.com/
找更多相關文章與討論

您尚未登入,將以訪客身份留言。亦可以上方服務帳號登入留言

請輸入暱稱 ( 最多顯示 6 個中文字元 )

請輸入標題 ( 最多顯示 9 個中文字元 )

請輸入內容 ( 最多 140 個中文字元 )

請輸入左方認證碼:

看不懂,換張圖

請輸入驗證碼

【 X 關閉 】

【痞客邦】大學生網路社群使用習慣調查

親愛的讀者,痞客邦希望能了解大學生的網路社群使用習慣,
填問卷即可抽獨家好禮喔!
(注意:關閉此視窗將不再出現)