TVB 民初劇《守業者》馬浚偉 楊怡 麥長青

曾勵珍幫馬浚偉出頭傾約

馬浚偉乃無綫戲劇製作總監曾勵珍的「愛將」,自兩年前離巢後珍姐一直找他回巢拍劇,早前落實會返娘家的他,雖未正式簽約,但承認珍姐會幫他親洽合約,監製梁材遠更已安排他為新劇試造型。問他若跟與傳不和的高層樂易玲見面會否尷尬,他說:「我只係演員,其他嘢我唔理。」

馬浚偉之前與無綫藝員部合作不磨合而要求提前解約,但據知無綫戲劇製作總監曾勵珍一直邀他返娘家拍劇,但馬浚偉之前趕拍內地劇關係,推掉了兩個檔期,不過監製梁材遠坦言已落實找馬浚偉5月返無綫開拍30集的《守業者》,更透露:「原本係時裝劇,馬浚偉會同Bobby(歐陽震華)飾演兩兄弟,但Bobby之前急性肺炎,又未拍完《情逆三世緣》,都要休息就推咗。依家重寫劇本,改為民初劇,由麥長青頂上,女主角係楊怡,仲會喺佛山、清遠取景。(馬浚偉合約搞掂未?)得o架嘞!預晒佢,佢要試造型,我哋亦已安排晒同佢度身,造過晒啲衫。」

再遇樂易玲不尷尬

記者昨致電馬浚偉時,他聞言謂:「吓!等我哋啲合約搞埋先啦!(係咪珍姐出馬幫你傾合約?)係!由我前年離開公司,佢一直想我返去拍劇,珍姐係我師傅,合約佢幫我處理。」問他可說是跟藝員部不歡而散,問他有否跟藝員部高層樂易玲溝通?他坦言:「唔好講不歡而散,大家都係成年人,(遇到樂小姐會唔會尷尬?)冇嘢啦!我只係演員,以前我簽經理人合約,依家唔係,其他嘢我唔理。」

Bobby坦言原本未接《情》劇已接下此劇,但沒料會發生意外,他笑言:「我8號都要出發拍外景,如果接埋呢套就要緊接!其實我都復原o架喇,但想抖番幾個月,材叔都好體諒,珍姐話健康最緊要!」

馬浚偉獲監製力邀回巢拍劇,並透露曾勵珍已替他解決合約問題。資料圖片
馬浚偉獲監製力邀回巢拍劇,並透露曾勵珍已替他解決合約問題。資料圖片

, , , , , , , , , , , , , , ,

Posted by tvb4life at 痞客邦 PIXNET 留言(0) 引用(0) 人氣()