Carol起 StarzPeople飛腳泊阿叻碼頭,週二( 5日)出席《叻哥遊世界》記者會,當然識做企 喺老闆隔籬。《蘋果日報》圖片

真面目

食碗面 未滿約簽阿叻 反骨 Carol食兩家茶禮

2013年02月13日 ~~ 第299期 Face

以事業線行先 嘅娛樂圈,即使神級如劉嘉玲,間唔中都要露吓肉。反而憑 34E血管乳彈起 嘅 Carol楊焉(原名楊梓瑤),竟然話唔想再賣肉要做才女,仲四出主動𢱑撈,沉咗兩年終於搵到阿叻落壜。
轉會成功 嘅 Carol跟住叻哥拍旅遊節目歎世界同拍大陸劇好風光。但原來 Carol同舊公司 StarzPeople仲有大半年約,反骨 Carol完全當老細冇到!


10年 Carol推出寫真《 HUGE》,入面 Carol大騷 34E血管乳,仲有不少意識大膽 嘅甫士,據知當時 Carol已經唔想行性感。

24歲 Carol楊焉(原名楊梓瑤), 10年推出寫真《 HUGE》憑 34E血管乳彈起,加上在浸大讀書,所以被稱為浸大 E神,上位後 Carol拍過《猛男滾死隊》、《婚前試愛》,鋒頭拍得住當年 嘅周秀娜。 Carol由無名𡃁模捧到變女神級數,全靠其經理人公司 StarzPeople力捧。 

扭計唔肯露


據知上位 Carol開始心雄,加上覺得自己係大學生,開始扭計唔接性感 Job。知情者透露:「佢覺得賣肉好 cheap,唔襯佢大學生身份喎,連少少性感都話唔得,佢唔性感邊有人搵呀?」結果同 StarzPeople反晒面。而 Carol亦開始四出𢱑撈,終於 喺上年 12月俾佢𢱑到阿叻打本 嘅 SNAZZ肯要佢。
Carol唔想續約主要係覺得 StarzPeople幫唔到佢拍電影,但至今年 6月才正式約滿 StarzPeople的 Carol,卻連同公司講解約都費事,只叫新公司 SNAZZ派人上去 StarzPeople交代。「 Starz聽到 Carol同 SNAZZ簽咗約都覺得好好笑,佢未完約㗎!不過老細其實都想放棄佢,𠵱家到 6月期間,就當 2間公司共同擁有住,當放佢一馬囉!」
週二( 5日) Carol出席《叻哥遊世界》記者會時,還主動開咪話自己已簽約新公司,不過唔鍾意露肉的她卻在記招中說:「叻哥都着泳褲,我唔好意思唔着泳衣。」正宗講一套做一套。


Carol憑 34E血管乳上位,即刻俾導演葉念琛𥄫中搵佢拍《婚前試愛》做第二女主角,戲中同羅仲謙有不少親熱戲,但之後拍嘅《人約離婚後》同《猛鬼愛情故事》又變番茄喱啡。唔露肉即刻身價急跌。


上年 6月 Carol畢業,一直被稱為浸大 E神,其實佢只係浸大人文學學位銜接課程畢業,計落只係大專生,之後仲去咗北京學普通話。

採訪,撰文:娛樂組

文章標籤
創作者介紹
創作者 tvb4life 的頭像
tvb4life

明星八掛大分享★☆

tvb4life 發表在 痞客邦 留言(0) 人氣()